85 ГОДИНИ ОД
ЖИВОТОТ И ДЕЛОТО НА ГОЈКО ЈАКОВЛЕСКИ, АЛИАС ГОЦЕ МАКЕДОНСКИ
Монографско дело насловено „Гојко – еден живот, една вистина“ од
Славе Катин и д-р Маја Мишковска е посветено на доблесниот
Македонец, бизнисмен, истакнат хуманист и докажан донатор,
духовен-посветеник и горд припадник на својот библиски род и
македонската земја, Гојко Јаковлески, алиас Гојко Делчев Рафкин
– Гоце Македонски
Тој е познат политички емигрант кој долги години живееше во
Германија, во градот Берлин. Неговото име е познато,
признато, уважено и респектирано на низа полиња и децениски
потврдено во македонската заедница во Берлин, Германија и
пошироко. Гојко е борец за самостојна, независна и обединета
етничка Македонија и за обединување на македонскиот народ.
Монографијата „Гојко – еден живот, една вистина“ е посветена на
херојот Гоце Македонски, кој се залага за афирмација на етничка
Македонија и етничко обединување. Таквата угледна бизнис
личност, вљубеник во македонскиот народот насекаде по светот и
во својата татковина Македонија, секогаш го водела светата мисла
да остави вечни траги за идните македонски генерации.
Треба да се истакне дека не е лесно и едноставно да се пишува за
луѓе кои инспирираат, кои задолжуваат и кои заветуваат, за луѓе
кои оставаат неизбришливи траги со животот и со своите дела, кај
современиците и кај поколенијата што доаѓаат. Таков е случајот
со Гојко Јаковлески, алиас Гојко Делчев Рафкин – Гоце Македонски
Македонец од Македонија, од Зубовце, Гостиварско, од Берлин, од
целиот демократски свет.
Со монографијата „Гојко – еден живот, една вистина“ се прави
обид да се фрли светлина врз неговиот животен пат. Трудот
е компониран во повеќе поглавја, во кои секој дел има по повеќе
делови, претставувајќи хронолошка и тематска заокружена целина.
Гојко Делчев Рафкин е исклучително голема, позната, призната и
неодминлива личност во македонската дијаспора и во Македонија.
Тој е без сомнение еден од економски успешните Македонци во
светот. Иако подолго време живееше во Берлин, од своето
емигрирање до денес тој е длабоко и силно поврзан со судбината,
вистината и настаните во Македонија. Гојко е Македонец по
националност и православен христијанин по вера.
Тој е еден од најголемите иницијатори и организатори на
одбраната на македонското име и вистина. Гоце Македонски е
бранителот и афирматорот на историјата на етничка Македонија и
честа на македонскиот народ во светот.
Инаку, основоположникот на голем број македонски организации во
европските земји, познатиот и признат патриот, кој се одреди
Македонија да му биде негова цел и иднина, а за тоа и страдалник
- Драган Богдановски, му беше близок пријател и соборец на
Гојко Јаковлески. Тие заедно соработуваа за иднината на
Македонија и се формирачите на Демократската партија за
македонско народно единство, денес како ВМРО-ДОМНЕ.
Животната приказна за Гојко започнала во убавата гостиварско
село Зубовце на 20 февруари 1935 година. Зубовце e населба
сместена во подножјето на Шар Планина, меѓу селата Дебреше (на
југ) и Врапчиште (на север), од каде тој одамна замина, но
никогаш не ги заборави својот роден праг и својата Македонија.
Напротив, се врати со љубов и почит кон Македонија, каде што го
влечат корените и носталгијата.
Често се вели дека македонското долго опстојување како да
наликува на долга, ретка и, речиси, неверојатна приказна,
сместена во аналите на посебноста и бесмртноста. Ретки се
примерите во историјата не само во Полог, туку и во цела етничка
Македонија за такво истрајување на еден народ кој поминал низ
такви турбулентни амплитуди низ вековите, како што е примерот на
зубовчани.
Гојко Делчев Рафкин насекаде го истакнува своето македонско
потекло и македонски корени, и правејќи го тоа со огромна љубов,
и непрекината верност кон татковината. Тој го прави тоа за
својата најубава библиска земја на Балканот, во јужните поли на
европскиот континент, Македонија
Треба да се истакне дека не е лесно и едноставно да се пишува за
луѓе кои инспирираат, кои задолжуваат и кои заветуваат, за луѓе
кои оставаат неизбришливи траги со животот и со своите дела, кај
современиците и кај поколенијата што доаѓаат. Таков е случајот
со Гојко Јаковлески, алиас Гојко Делчев Рафкин – Гоце Македонски
Македонец од Македонија, од Гостиварско, од Берлин, од целиот
демократски свет.
Со монографијата „Гојко – еден живот, една вистина“ се прави
обид да се фрли светлина врз неговиот животен пат. Трудот е
компониран во дванаесет поглавја, како дванаесет апостоли, во
кои секој дел има по повеќе делови, претставувајќи хронолошка и
тематска заокружена целина.
Делото е вистински придонес за афирмација на минатото,
сегашноста и иднината на неговата родна земја - Македонија,
втората татковина Германија и новата дестинација Шпанија, кои се
претставени на македонски, англиски и германски јазик.
Со тоа авторите се потрудија делото „Гојко – еден живот, една
вистина“ да биде огледало на неговиот животен пат, неговите
големи деловни постигнувања, судбината, минатото, сегашноста и
иднината, дел од неговите лични и семејни постигнување, како и
дел од неговата иднина во рамките на македонската бизнис,
општествено-политичка и културна историја.
Монографијата претставува вечно дело на големиот македонски
патриот, човекољубец, бизнисмен, донатор и поборник за светла
иднина на етничка Македонија, Гојко Јаковлески, алиас Гојко
Делчев Рафкин – Гоце Македонски, кој оваа година го слави својот
85-ти роденден на својот бурен живот.
Славе Николовски-Катин