Еден од таквите Македонци кој цел живталка по светот е, секако, мојот почитуван другар од детството, соработник и пријател Бошко Рајчовски-Пелистерски од преспанското прчалбарско село Љубојно. Тој македонски иселеник во САД, во државатаМичиген. Бошко и неговото семејство минале низ сите фази на македонското распетие во целиот дваесетти век, исполнет со настани типични за вековната борба на Македонецот, не само во неговата стара татковина, туку и на сите светски иселенички меридијани. Тој остана доследен на својата вековна македонска национална припадност, на своите корени, а во исто време приврзаник и почитувач на втората татковина- Америка.

          Анализата на неговиот бурен животен пат, токму од многубројните причини и последици, ни го открива неговиот свет во планетарни размери. Притоа, покажувајќи и потврдувајќи дека потомците на Александар Македонски, независно од нивните родокрајни коти, се дел на една од најстарите светски цивилизации, чии трајни вредности ги вградуваат во сите делови на нашата галаксија, по кои светот и не препознава.

          Поаѓајќи од овој факт, историјата на било кое македонско успешно семејство во дијаспората, фактички е историја на нашето вековно цивилизациско битисување, не само на Балканот и во Европа, туку и на сите други континенти. Затоа, обидот да напишам монографија за Бошко Рајчовски-Пелистерски, во мојата истражувачка работа за македонското иселеништво, претставува значајно постигнување на тој сложен пат. А животната приказна на љубанецот во Детроит се потпира на фактографија која извира од животниот опус на тие наши луѓе со кои се гордее нивната стара татковина – Република Македонија. Стариот крај, како често нашенците милуваат да качат, кој, и покрај сите проблеми што денес ги има, успешно чекори кон својата демократска преобразба, во рамките на европските и светските интеграциони процеси.

          Книгава е монографија за Бошко Рајчовски-Пелистерски, од семејството на Рачовци, кое од втората декада на минатиот век живее и работи во Соединетите Американски Држави, во главниот град на државата Мичиген– Детроит. Целосна претстава за него може да се добие само под еден услов: ако низ проекцијата за Рајчовци се прекрши родното огниште Љубојно, Преспанско како негов атар и Македонија како Татковина. Така историјата за нив ќе биде комплетна, особено за оние во чии раце ќе се најде оваа книга. Тоа се американските пријатели на Бошко и неговите нови генерации, но, и оние во Татковината, кои него го знаат и паметат по неговите средби, илинденски успеси, веселби,реќни мигови доживеани особено во летниот период.

          Во издание на реномираната издавачка куќа “Македонска искра” од Скопје, а како дел од печатарската активност на “Киро Дандаро” од Битола, излезе од печат монографијата “Бошко Рајчовски - Пелистерски”. Автор на ова дело е Славе Николовски-Катин, кој е познат на македонската и меѓународната културна и научна јавност со своите бројни публицистички, новинарски, автобиографски и научни трудови посветени, главно на животот на Македонците во светот, но и на низа други аспекти поврзани со дијаспората, како и со културата, литературата, јазикот, журналистиката, историјата, науката и религијата.

          За ова многу темелно биографско луксузно дело во боја кое содржи над 250 страници, рецензенти се: Амбасадорот на УНЕСКО м-р Јордан Плевнеш од Скопје, Примариурс д-р Иван Апостолов од Флорида и Проф. Синиша Ристевски, македонски свештеник од Детроит, додека преводот од македонски на англиски е на Соња Прус.

          Ова значајно автобиографско дело, за прв пат печатено двојазично - на македонски и на англиски јазик, всушност, е огледало на вистината за иселеникот, поетот, општестевникот, новинарот и патриотот Бошко Рајчовски-Пелистерски. Тоа е значајно постигнување на Славе Катин во неговата истражувачка работа за македонското иселеништво. А, животната приказна за љубанчанецот од Детроит и Флорида, заедно со семејството Рајчовски се потпира на фактографијата која извира од животниот опус на Македонците во дијаспората со кои се гордее нивната стара татковина – Република Македонија.

          Монографијата за Бошко Рајчовски е летопис за мошне големото семејство Рајчовски. Најголемиот број од фамилиите од сојот Рајчовски од втората декада на минатиот век претежно живеат и работат во Соединетите Американски Држави, особено во најголемиот град на државата Мичиген – Детроит. А Бошко кој во зима живее во Флорида, другиот периот во Детроит, во лето доаѓа во Македонија, во Преспа, во Љубојно. Тој е извонреден родољуб, роднокраен вљубеник, докажан активист, истакнато поетско и новинарско перо, патриот и вљубеник во Македонија. Затоа, со право може да се рече дека ова дело на Славе Катин е траен документ и вистинско сведоштво кое го овековечува богатиот личен и семен летопис на познатото и признато семејство чии корени се од Љубојно-Песпа, а кои се рашириле и во САД.

          Монографијата е посветена на 50 годишното литературно творештво на Бошко Рајчовски-Пелистерски. Ова дело од Славе Катин е поделена на 5 глави (чаптери) во кои се третира родната земја Македонија, втората татковина – САД, активностите на Бошко на поетски и новинарски план, како и лозата на семејството Рајчовски. Посебен простор во книгата е посветен на корените на семејстворо Рајчовски, на неговот родно Љубојно – Преспа, на САД, на македонски радиочас “Оро македонско” од Детроит, на неговот литературно творештво и неговите три стихозбирки, како и на вистината и корените на големиот сој Рајчовски.

          Делото “Бошко Рајчовски-Пелистерски” е поткрепено со огромен број факти, цитати и докази, кои фрлаат светлина врз историскиот развој не само на поетскиот и немирен дух на Бошко, туку и на македонскиот народ од Преспа, од Детроит…. Делото е од огромно значење од монографски аспек. Тоа претставува интересно четиво и сончева светлина за оние кои сакаат изворно да се запознаат со животната приказна на иселеникот Бошко Пелистерски, на Љубојно, Преспа, Македонија, САД. Особено значење монографијата има во расветлување на вистината и судбината на поетот Бошко и неговот големо семејство Рајчовци.

БОШКОРАЈЧОВСКИ - ПЕЛИСТЕРСКИ

                 Господинот Бшско Рајчовски прв пат го запознав на Иселеничките средби во село Одри – Тетовско, во 2007година. Потоа кога дојдов како нов парохиски свештеник во Детроит, покрај разговорите што ги водевме за нашата држава, Република Македонија, состојбите во неа и како да се инвестира, Тој низ тие разговори ми предложи да ја проЧитам неговата книга која е напишана од господинот Славе Катин за него и за неговото прекрасно село Љубојно. Читајки ја монографијата прво уште повеке се запознав со господинот Бошко,за неговите активности и за афирмација на неговото село Лјубојно. Од тоа навистина се покажа што, всушност, тој правел за афирмација на неговат прва татковина, Република Македонија. Иако сум со доста краток стаж тука во Детроит, сепак со право ке кажам дека и тука преку неговиот радио час и преку другите активности што ги прави се покажува колку во своето срце ја носи и ја чувствува неговата земја Република Македонија. Кога ми предложи да бидам рецензент на оваа книга јас се зафатив, бидејки навистина сакав да се запознам повеке со тој преубав преспански-македонски крај, со тој прекрасен народ, неговите обичаи, а и со господинот Бошко Рајчовски. Како нов парохиски свештеник тука во Детроит и како духовен отец на овој прекрасен народ, најпрво сум многу позитивно изненаден за грижата за својата земја, Република Македонија, бидејки постојано се будни за сите случувања во неа. Еден од тие луге е господинот Бошко Рајчовски кој постојано работи и се грижи за доброто на нашата татковина - Република Македионија.