МОНОГРАФИЈА ЗА ЃОРЃИ – ГЕОРГЕ АТАНАСОСКИ

           По повод 60-от роденден на доблесниот македонски иселеник од САД, Ѓорѓија - Џорџ Атанасоски, книгоиздателството “Македонска искра”, заедно со гласилото “Македонско сонце” и ТВ “Сонце” ја издаде монографијата посветена на неговиот живот и дело, чиј авторот е Славе Николовски – Катин.
 
         Господинот Атанасоски е истакнат патриот, хуманист, голем донатор, докажан бизнисмен, духовен посветеник и горд припадник на својот библиски род и македонската земја. Тој беше и е посветен на акциите организирани и реализирани во битката за самостојна, суверена и независна  македонска држава. Џорџ Атанасоски е еден од најуспешните македонски бизнисмени во САД и во светот, за што е добитник на бројни награди, меѓу кои и на  највисокото американско општествено признание “Елис ајленд”
 
          Оваа значајна и по многу нешта единствена двојазична монографија од овој вид претставува осврт за ликот и делото на Џорџ Атанасоски. Со тоа авторот Славе Катин успеа да го овековечи овој познат и признат Македонец, преку кој се проектира најновата фаза на македонската иселеничка историја.
 
          Бизнисменот Ѓорѓија - Џорџ Атанасоски е личност за почит и пример од кој можат и треба да се огледаат и други Македонци во двете татковини, САД и Македонија. Нему му припаѓа заслуженото високо место во хиерарсиската пирамида на луѓето кои имаат големи заслуги во иселеничката македонска сага и во градењето пријателски и бизнис мостови меѓу Република Македонија и Соединетите Американски Држави.
 
Скопје, септември 2012 година

                                                                                       Со особена почит,
 
                                                                                        Македонска искра